131-жаттығу. Тапсырмаларды топқа бөліп орындаңдар.

1.Мәтіндерді стилі жағынан өзара салыстырыңдар. Тақырыптық, идеялық ортақтық бар ма? Әрбір мәтінге ат қойыңдар.
2.Қай мәтінде тыныс белгілерінің түрлері көбірек кездеседі, себебін айтыңдар.

Жер-су атауларын, тарихи тұлға аттарын тауып, жасалуына қарай талдаңдар.

Жазылуы қиын сөздерді тауып, сөздік жасаңдар.

1.Үй іші тегіс қош алған соң, екі ақын да оңай шешілді. Осы түнде ас піскенге шейін Барлас «Қобыланды батыр» жырын жырлады. Абайдың қазақ аузынан да, кітап ішінен де өмірі естіп білмеген ең бір сұлу, ең бір әсерлі, күшті жыры осы еді. Барлас жырын бітіріп, қол жуғалы қамданған уақытта, Абай:
– Мұны айтқан кім? Осы өлеңді шығарған кім екен?–деп, бағанадан бері өзін сүйсіндірген ақынның атын білмек еді.
- Әріден келе жатқан деседі-ау, балам, бұның түбін...-деді.
Қобыландының қоштасқаны, Тайбурылдың шабысы, Қазан мен Қобыландының жекпе-жегі Абайды еліткендей болатын. Жатқнда көоке дейін елегізіп ұйықтай алмады.
Ертеңінде Ұлжан Барлас пен Байкөкшені жібермеді.
-Жүрмеңдер. Асықпай, әлі біраз күн қонақ боп жатып кетіңдер,-деді. Бұл-Абайдың тілегі. Абай бұрын тағылым, үлгі кітапта, білім, өнер медреседе ғана деп түсінетін. Оған дастан шебері Низами, Науаи, Физулиде, мұң нәзігі Шайх-Сағди, қожа Хафизде, батыр жыры Фирдоусиде көрінетін. Қазақта нелер "Баян-Көрпеш", талай "Ақбала-Боздақтар" барын білмеуші еді.

2.Қоңыр кеште көп жастың үнімен толқыған шындық жыры тыңдаушы қарттарды қатты таңырқатады. Сүйсінген үндер шығады...
-Сөзі қандай!
-Неткен сөз!
-Алпыс екі тамырды шымырлатқан сөз...
-Айтарсың... Осылай айтарсың... Қазақ баласы айтпағанды сен айтарсың, Абай!.. Асылым!.. Шөлімдегі жалғыз алтын тірегім. Шөлден шүлен боп туған сергегім!-дейді Дәркембай. Көп үнсіз тыңдаушының сүйсінген жалынын атады...